Қазақстан-Өзбекстан шекарасындағы кептеліс: ҰҚК мәлімдеме жасады

Қазақстан-Өзбекстан шекарасындағы бақылау-өткізу бекеттеріндегі жаншуға Ұлттық қауіпсіздік комитеті түсініктеме берді, деп хабарлайды Orda.kz.

Екі күннен бері бекеттердегі адамдар мен көліктердің кептелісі байқалды. Бұл Наурыз мейрамындағы демалыс уақытында негізінен шетел азаматтарының елден кетуіне байланысты.

«Сонымен қатар, «Қапланбек», «Тәжен», «Атамекен» және «Қазығұрт» өткізу бекеттері қайта жаңғыртылуда. Мемлекеттік шекара арқылы өткізу әдеттегідей жүргізілуде, жағдайды бақылауға алу шаралары қабылданды» деп түсіндірді шекара қызметі.

Естеріңізге сала кетейік, шекарада бес сағаттан астам кезекте тұрған қазақстандықтар Orda.kz редакциясына шағымданған болатын.