Қазақстан азаматтары Үндістанға тегін визамен бара алады

Қазақстан азаматтары енді Үндістанға бару үшін визаны тегін рәсімдей алады, деп хабарлайды Orda.kz.

Сыртқы істер министрлігінің мәліметінше, Үндістан Республикасының Үкіметі Қазақстан азаматтарына 30 күнге дейінгі мерзімге тегін туристік визалар, медициналық визалар және медициналық сүйемелдеу визаларын беру туралы шешім қабылдады. 

«Аталған визаларды Қазақстан Республикасының азаматтары онлайн e-Visa жүйесі арқылы, сондай-ақ Үндістан Республикасының Астана және Алматы қалаларындағы дипломатиялық өкілдіктерінде немесе шетелдегі миссияларында қағаз форматта рәсімдей алады» деп айтылған хабарламада.

СІМ мәліметінше, бұл шешім дереу күшіне енді.

Еске сала кетейік, президенті Қасым-Жомарт Тоқаев жуырда Пәкістанға барады. Мемлекеттік сапар 3-4 ақпан күндеріне жоспарланған.