Катар Шығыс Қазақстанда су электр станциясын салуы мүмкін

«Самұрық-Қазына» АҚ басқарма төрағасы Нұрлан Жақыпов Катардағы ірі энергетикалық Nebras Power компаниясының басшылығымен кездесу өткізді, деп хабарлайды «Самұрық-Қазына» қорының ресми Telegram-арнасы.

Олар Шығыс Қазақстанда қуаты 350 МВт-қа дейін жететін су электр стансасын салу мүмкіндігін талқылады. Жақыповтың айтуынша, «Самұрық-Қазына» АҚ жобаның ілгерілеуіне көп күш жұмсады.

Оның айтуынша, қазір «Самұрық-Энерго» жобаның алдын ала техникалық-экономикалық негіздемесін әзірлеуде, бұл жұмыстарды биылғы жылдың қыркүйек айына дейін аяқтау жоспарлануда. Сонда жобаның шамамен құны белгілі болады.

Nebras Power – штаб-пәтері Дохада, Катарда орналасқан жетекші энергетикалық және инвестициялық компания. Компанияның негізгі инвестициялары Таяу Шығыстың, Оңтүстік-Шығыс Азияның, Сахараның оңтүстігіндегі Африканың, Шығыс Еуропаның, Орталық Азияның және Латын Америкасының қарқынды дамып келе жатқан нарықтарында шоғырланған.