Қанат Шарлапаев Өнеркәсіп және құрылыс министрі лауазымына тағайындалды

Жаңа Өнеркәсіп және құрылыс министрлігінің басшысы болып Қанат Шарлапаев тағайындалды.

Бұл туралы Ақорданың баспасөз қызметі хабарлады.

Мәжілістің баспасөз қызметінің хабарлауынша, Экономикалық реформа және өңірлік даму комитеті отырысында Қанат Бисімбайұлы Шарлапаевтың кандидатурасы Қазақстан Республикасының Өнеркәсіп және құрылыс министрі қызметіне тағайындауға келісілді.

«Қанат Бисімбайұлы Шарлапаев Қазақстан Республикасының Өнеркәсіп және құрылыс министрі болып тағайындалсын» делінген Мемлекет басшысының Жарлығында.

Бұдан бұрын хабарланғандай, Өнеркәсіп және инфрақұрылымдық даму министрлігі оны Көлік министрлігі мен Индустрия және құрылыс министрлігіне бөлу арқылы қайта құрылады. Министрліктің бұрынғы басшысы Марат Қарабаев көлік министрі болып тағайындалды.