Қайтарылған активтердің 1,3 млрд теңгесі СҚО-дағы аурухананы жөндеуге бөлінді

Қаржы президенттің әлеуметтік инфрақұрылымды дамыту жөніндегі тапсырмасы аясында арнайы мемлекеттік қордан бөлінді, деп хабарлайды Orda.kz.

Қазір осы қаржыға Тайыншадағы көпсалалы ауданаралық аурухананың инженерлік желілері мен техникалық жабдықтары жаңартылып жатыр. Ғимаратта МРТ аппаратына арналған жеке орын және зерттеуді аудан орталығында жүргізетін заманауи клиникалық-диагностикалық зертхана жабдықталады.

Сонымен қатар қабылдау бөлімін ретке келтіріп, оны халықаралық триаж-жүйесі бойынша жайластырады. Жоба медициналық қызметкерлер үшін қолайлы қолжетімді реанимациялық төсектерді қамтиды, бұл шұғыл жағдайларға жылдам ден қоюға және көмек сапасын жақсартуға мүмкіндік береді.

Жөндеу аяқталғаннан кейін аурухана шұғыл және жоспарлы медициналық көмек көрсетудің заманауи стандарттарына сәйкестендірілуі тиіс.

Қаржы министрлігінің мәліметінше, арнайы мемлекеттік қордан 400-ден астам әлеуметтік және коммуналдық нысандарға 482 млрд теңге бөлінді. Олардың ішінде 183 медициналық мекеме бар. Жұмыстың бір бөлігі «Ауылдық денсаулық сақтауды жаңғырту» бағдарламасы бойынша жүргізіліп, өңірлерде ФАП, ауруханалар, медициналық орталықтар мен жедел жәрдем нысандары салынып, жаңартылып жатыр.

Еске салсақ, былтыр Қазақстанның Бас прокуроры Берік Асылов Х әлеуметтік желісінде активтерді елге қайтару туралы пост жариялады. Олигополия субъектілерінен 1,3 триллион теңгеден астам қаржы өндіріліп, оның 850 миллиардқа жуығы мемлекет кірісіне түскен. Қайтарылған қаржыға 207 миллиард теңгенің 177 сумен жабдықтау нысандарының, 14 медициналық мекемелердің, 375 білім беру және спорт нысандарының құрылысы басталды.

 Тақырыпқа сай ұсынамыз:

• Олигархтардан қайтарылған активтерден «Отбасы банкке» 50 млрд теңге бөлінбейтін болды
• Қазақстан алғаш рет олигархтардың шетелдегі активтері туралы мәлімет сұрады
• Халық игілігі үшін: Алматы облысында қайтарылған қаржыға амбулаториялар салынып жатыр