Электр энергиясын өз бетінше өндіруге және сатуға рұқсат беріледі

Елімізде электр энергиясын өз бетінше өндіруге және сатуға рұқсат беретін тиісті заң жобасы Мәжілісте қаралуда, деп хабарлайды Orda.kz.

Мәжіліс депутаттары жаңартылатын энергия көздерін, электр энергиясын және табиғи монополияларды пайдалануды қолдау туралы заң жобасын қарап жатыр.

«Барлығы стандартты схема бойынша жүреді. Яғни, жеке тұлғадан электр энергиясын сатып алатын энергия тасымалдаушы ұйымның өзі салық агентіне айналады. Жеке тұлғаға төлем жасағанда энергияны сатумен айналысатын компанияның өзі салықты ұстап қалып, бюджетке аударады», - деді Ержан Біржанов Мәжілістің жалпы отырысында. 

Еске салайық, Қазақстанда халыққа, ШОБ және шаруа қожалықтарына электр энергиясын өз бетінше өндіріп, оны сатуға мүмкіндік беру ұсынылды. Тиісті заң жобасы қабылданса, азаматтар электр энергиясын өз бетінше өндіріп, сата алады. Бұл ретте әрбір қазақстандық қуаттылығы 200 киловаттан аспайтын жаңартылатын энергия технологиясын орната алады.