Израиль премьер-министрі Биньямин Нетаньяху мәлімдеме жасады

Израиль премьер-министрі Биньямин Нетаньяху АҚШ пен Израильдің Иран аумағына жасаған соққыларына байланысты халыққа үндеу жасады, деп хабарлайды Orda.kz. 

«Қымбатты бауырларым мен әпке-қарындастарым, Израиль азаматтары! Аз уақыт бұрын Израиль мен АҚШ Ирандағы террористік режим тарапынан төнген өмірлік қауіп-қатерді жою операциясын бастады. Мен біздің үлкен досымыз, президент Дональд Трамп мырзаға оның тарихи көшбасшылығы үшін алғыс білдіремін», – деді Нетаньяху. 

Оның айтуынша, 47 жыл бойы «Аятолла режимі «Израильге өлім», «Америкаға өлім» деп ұрандатып келеді.

«Ол біздің қанымызды төкті, көптеген америкалықтарды өлтірді және өз халқын күйзеліске ұшыратты. Бұл қанқұйлы террористік режимнің бүкіл адамзатқа қауіп төндіретін ядролық қаруға ие болуына жол беруге болмайды. Біздің бірлескен әрекетіміз батыл иран халқына өз тағдырын өз қолына алуына жағдай жасайды. Иран халқының барлық топтары — парсылар, күрдтер, әзірбайжандар, белудждер және ахваздар — зұлмдық бұғауынан босап, еркін әрі бейбітшілікке ұмтылатын Иран құратын уақыт келді», – деді Израиль премьер-министрі. 

Сондай-ақ ол Израиль азаматтарын тыл қолбасшылығының нұсқауларын қатаң сақтауға шақырды.

«Алдағы күндері «Арыстанның ақырығы» операциясы барысында бәрімізден сабыр мен ішкі күш талап етіледі. Біз бірге төтеп береміз, бірге күресеміз және бірге Израильдің мәңгілігін қамтамасыз етеміз», – деп түйіндеді ол.

Оқи отырыңыз:

• Израиль Иранға қарсы соғыс бастады
• Трамп: Иран зымырандарын жойып, елдің зымыран өндірісін толықтай талқандаймыз
• Иранға шабуыл: Қазір не белгілі