Италияда қысқы Паралимпиада ойындары аяқталды: Қазақстан нешінші орында тұр?

Италияның Кортина-д’Ампеццо қаласында XIV қысқы Паралимпиада ойындарының жабылу салтанаты өтті, деп хабарлайды Orda.kz. 

Жабылу рәсімі бағдарламасы Италия мәдениеті мен Милан мен Кортина қалаларының сұлулығына арналды. Аренада ауқымды шоу ұйымдастырылды. Музыка, би және визуал эффектілер арқылы спортшылардың жетістіктері мен жарыс атмосферасы көрсетілді.

Салтанатты рәсім барысында ұйымдастырушылар ойын қорытындысын шығарып, спортшыларға алғыс айтты. Соңында дәстүр бойынша паралимпиадалық алау сөндіріліп, ойындардың ресми түрде аяқталғаны жарияланды.

Халықаралық Паралимпиада комитеттің президенті Эндрю Парсонс спортшылар өз мүмкіндіктерін тағы да дәлелдегенін айтты.

Жабылу рәсімінде келесі Паралимпиада ойындары қашан өтетіні анықталды. Келесі қысқы ойын 2030 жылы Франция Альпісінде өтеді. Ал жазғы Паралимпиада ойындары 2028 жылы Лос-Анджелес қаласында ұйымдастырылады.

Медальдық есеп бойынша бірінші орынды Қытай құрамасы иеленді — 15 алтын, 13 күміс және 16 қола медаль. Екінші орында АҚШ (13–5–6), үшінші орында Ресей құрамасы (8–1–3).

Қазақстан құрамасы жалпы есепте 18-орынға тұрақтады. Ел қоржынына түскен екі медальдің екеуін де Ербол Хамитов жеңіп алды. Ол парабиатлонда алтын және парашаңғы жарысында қола медаль еншіледі. 

Оқи отырыңыз:

• 2026 жылғы Олимпиада мәресіне жетті: Қазақстан жалпыкомандалық есепте қай орында?
• Олимпиада-2026: Қазақстан құрамасы шаңғы акробатикасынан жетінші орын алды
• Олимпиада-2026: Михаил Шайдоров жарысқа киген костюмін музейге тапсырды