ИРНА: Иран зымырандары Израильдің орталық аймақтарына жетті

ИРНА басылымының хабарлауынша Иран Ислам Республикасының зымырандық соққыларынан кейін Израильдің орталық бөлігіндегі жағдай күрт шиеленісе түскен, деп хабарлайды Orda.kz.       

Израильдік БАҚ пен азаматтық қорғаныс қызметтерінің хабарлауынша, зымырандар елдің орталық аймақтарына жетіп, инфрақұрылым жұмысына айтарлықтай кедергі келтірген.

Иранның жаппай зымырандық соққысы салдарынан Тель-Авив маңындағы қала маңы пойыздарының орталық станциясы жабылды

Әуе қорғанысы жүйелері жұмыс істегеніне қарамастан, елдің орталық бөлігіне зымыран сынықтарының құлауы және тікелей соққылар тіркелген. Кемінде бір ғимараттың зақымданғаны хабарланды.

Израильдің Channel 12 және Yedioth Ahronoth сияқты медиаларының мәліметінше, елдің орталық бөлігіне кассеталық оқтұмсығы бар зымыран ұшырылып, нысанаға жеткен. Қауіпсіздік мақсатында Тель-Авивтегі қала маңы теміржол қатынасының орталық станциясының жұмысы толық тоқтатылды.

Әуе дабылы ондаған елді мекенде, соның ішінде Тель-Авивте, Бен-Гурион әуежайы маңында, жағалау жазығында және Батыс жағалаудың солтүстік бөлігінде іске қосылған.

17 наурызда Израиль Қорғаныс министрлігінің басшысы Исраэль Кац Голамреза Сулеймани Иранда Әли Лариджанидың қаза болғанын растады. Оның мәліметінше, Лариджани әуе шабуылынан қаза тапқан.

Оқи отырыңыз:

• Иранда не болып жатыр: Соңғы жаңалықтарға шолу
• Кубадағы толық блэкаут: Энергетикалық дағдарыс, Трамп қысымы және көшедегі наразылық
• Иран теңізге мина қоя бастады, АҚШ «теңдессіз соққымен» сес көрсетті. Таяу Шығысқа шолу