ХАМАС екі жыл бұрын тұтқындап, кепілге алған адамдарын босатты

ХАМАС Израильге қайтаратын 20 тұтқынды босату процесін екі кезең бойынша жүргізеді. Кепілге алынғандардың бірінші тобы Нецарим дәлізі арқылы отанына қайтады. Қалған бөлігі Хан-Юнисте босатылады. Кепілге алынғандардың отбасылары Израильдегі Реим әскери базасында жиналды, деп хабарлайды Orda.kz. 

Израильдің кепілге алынған адамдарын босату ісі Дональд Трамп ұсынған формула бойынша — Газа секторындағы атысты тоқтату шарттарының бірі болды. 

Америка президентінің өзі бүгін 13 қазанда Израильге ұшып келді. Ол кепілге алынған адамдардың отбасымен кездесуді жоспарлап отыр. ХАМАС тобы 2023 жылдың 7 қазанында Израильге шабуыл кезінде 250-ден астам адамды ұстап әкеткен. Екі жыл ішінде олардың бір бөлігі босатылды. Көбі тұтқында өлтірілді. ХАМАС марқұмдардың денелерін берді. Ал бүгін соңғы қалған 20 адам босатылады. 

Деректерге сүйенсек, олар қазір автобустарға мініп, Палестина аумағына барады.

Айта кетейік, өткен аптада АҚШ президенті Израиль мен ХАМАС-тың бітімге келгенін, енді екі ел тұтқын алмасатынын хабарлаған еді.