Германия «ядролық қалқан» қалыптастыруды талап етті

Германияны қорғау үшін АҚШ-тың ядролық қаруы жеткіліксіз, сондықтан Берлин Ұлыбритания немесе Францияның арсеналына қол жеткізуі керек деп Германия Бундестагындағы ХДС/ХСС фракциясының жетекшісі Йенс Шпан мәлімдеді, деп хабарлайды Orda.kz.       

Саясаткер бұл пікірін Welt басылымына берген сұхбатында білдірді.

«Біз Франция мен Ұлыбританияның ядролық арсеналына Германияның немесе Еуропаның қатысуын, мүмкін, өзге де еуропалық мемлекеттермен бірлескен қолжетімділікті талқылауымыз керек», – деді ол. 

Йенс Шпанның айтуынша, еуропалық елдер ортақ «ядролық қалқан» қалыптастыруы тиіс және мұндай бастама тек Германияның көшбасшылығымен жүзеге аса алады. Оның пікірінше, ядролық тежеусіз ЕО елдері «әлемдік саясаттың ойыншығына» айналады.