Ереван-Баку келіссөзіне Астана өз алаңын ұсынды

Ереванда өткен келіссөздер барысында қос тараптың өкілі Оңтүстік Кавказда тұрақтылық пен қауіпсіздікті қамтамасыз ету мәселесіне айрықша назар аударды, деп хабарлайды Orda.kz порталы.

«Мемлекет басшысы Армения мен Әзірбайжанның бейбіт келісім жасау жөніндегі қадамдарын жоғары бағалады. Осы орайда Қазақстан Президенті Ереван мен Баку арасында тезірек берік әрі ұзақ мерзімді бейбітшілік орнағаны маңызды деп атап өтті. Сондай-ақ келіссөздер үшін Қазақстан өз алаңын ұсынуға дайын екенін мәлімдеді» делінген хабарламада. 

Қазақстанның бұл бағыттағы барлық іс-әрекетті қолдауға әзір екені айтылды. Екі жақ та Армения мен Әзірбайжан арасындағы уағдаластықтарды нақты жүзеге асыру мүмкіндіктерін қарастыруға келісті.