Ердоған Еуро-2024 жарысынан түрік футболшысының шеттетілуінің саяси мәні бар деп мәлімдеді

2024 жылдың 7 шілдесінде Түркия президенті Режеп Тайып Ердоған Еуропа футбол қауымдастықтары одағының (УЕФА) түрік құрамасының ойыншысы Мерих Демиралды дисквалификациялау туралы шешімі туралы өз ойын айтты, деп хабарлайды Orda.kz.

Мемлекет басшысы бұл қадамды бүкіл түрік халқы үшін жасалған қысастық  екенін түсіндірді, деп жазады Anadolu агенттігі. Журналистермен сұхбатында ол Демиралдың дисквалификациясы футболшының өзіне емес, оның еліне қарсы бағытталғанын айтты.

«УЕФА-ның түрік футболшысы Мерих Демиралды Еуропа чемпионатынан шеттетуі – бұл турнирге көлеңке түсірген саяси астарлы шешім», - деді Ердоған.

Президент Түркия құрамасының  жасалған әділетсіздікке тамаша ойынымен жауап бергенін атап өтті.

7 шілдеде Түркия футбол командасы Еуро-2024-ке қатысуын аяқтады. Голландия құрамасы чемпионаттың ширек финалдық кездесуінде түрік командасын 2:1 есебімен ұтты.

2 шілдеде Түркия құрамасының қорғаушысы Демирал Австрия құрамасымен матчта екі гол соғып, одан кейін Австрия мен Францияда тыйым салынған түрік ұлтшылдарының қимылын қуанышпен көрсетті.

Осыған байланысты Еуропалық футбол қауымдастықтары одағының (УЕФА) Тәртіптік органы оған қатысты тергеу бастады.