Ербаян Мұхтар туралы сүйінші хабар келді

Алматыдағы 5571 әскери бөлімінде белгісіз себеппен мүгедек болған сарбаз Ербаян Мұхтардың денсаулығы туралы адвокат Инга Иманбай мәлімдеді, деп хабарлайды Orda.kz.

Адвокаттың айтуынша, Ербаянның жағдайы жақсарып келеді: салмақ қосып, беті толыса бастаған. Бір айдан кейін оңалту кезеңі басталады.

«Шүкір, жағдайы бірқалыпты. Соңғы рет оны Ыстамбұлға ұшар алдында көрген едім. Қазір әлдеқайда жақсы: салмақ қосып, беті толысып қалған. Бір айдан кейін емнің екінші кезеңі – реабилитация басталады. Ербаянға да, ата-анасына да сіздердің ыстық ықыластарыңыз бен қолдауларыңызды жеткіздім. Олар барша халыққа алғысын жаудырып жатыр. Біз бірге қолдау көрсетіп, Ербаянның аяғына нық тұруына көмектесеміз! Ал қылмыстық іс бойынша – Ербаянды осы күйге түсіргендер тиісті жазасын алғанша күресті тоқтатпаймыз. Әділеттік үшін біргеміз!», – деп жазды ол.