Елімізде сегіз өңірдің бас прокуроры ауысты

Бас прокурор Берік Асыловтың шешімімен сегіз облыстың прокуроры тағайындалды, деп хабарлайды Orda.kz.

Хабарламаға сәйкес, президентпен келісім бойынша Бас прокурордың бұйрығымен жаңа тағайындаулар жасалды:

• Батыс Қазақстан облысының прокуроры – әділет кеңесшісі Ұласбекұлы Нұрбек;
• Маңғыстау облысының прокуроры – әділет кеңесшісі Қушалиев Серікқали Жанбебекұлы.

Сонымен қатар, мемлекет басшысымен келісім бойынша бірқатар аумақтық прокурорлар да ауысты:

• Бас прокуратура жанындағы Құқық қорғау органдары академиясының ректоры – Әбдіров Нұрғалым Мәжитұлы;
• Бас көлік прокуроры – Жүйріктаев Берік Қуанышбекұлы;
• Атырау облысының прокуроры – Басшыбаев Мадияр Бекенұлы;
• Жамбыл облысының прокуроры – Әбілов Берік Рақатұлы;
• Жетісу облысының прокуроры – Жұмaқанов Бауыржан Альбертұлы;
• Қостанай облысының прокуроры – Сексембаев Марат Исламханұлы;
• Павлодар облысының прокуроры – Байшолақов Алмат Мұратұлы;
• Шығыс Қазақстан облысының прокуроры – Сүлейменов Тимур Қайырбекұлы.

Еске сала кетсек, бұған дейін Рудный қаласының бас прокуроры ұсталды.