Елена Рыбакина әлемнің бірінші ракеткасын жеңді

Әлемнің бесінші ракеткасы, қазақстандық спортшы  Елена Рыбакина Бейжіңде өтіп жатқан WTA-1000 турнирінің ширек финалында жеңіске жетті. 

Қазақстандық әлем рейтингінің көшбасшысы Елена Рыбакина  белорус Арина Сабаленканы екі сетте ұтты. Матч 7:5, 6:2 есебімен аяқталды, деп хабарлады ҚФТ баспасөз қызметі.

Теннисшілер кортта бір сағат 34 минут уақыт өткізді. Матч барысында Елена Рыбакина 12 эйс орындап, тоғыз брейк-пойнттың төртеуін аударып, бір ғана қосарланған қателік жасады.

Енді қазақстандық теннисші финалға шығу үшін әлемнің 22-ракеткасы ресейлік Людмила Самсоновамен күш сынасады. Жартылай финалдық ойын 7 қазан күні Астана уақытымен 14:30-да өтеді.