Джеки Чанның Алматыға не үшін келгені белгілі болды

Аңызға айналған актер, жекпе-жек өнерінің шебері Джеки Чанның Алматыға не үшін келгенін белгілі болды, деп хабарлайды Orda.kz.

Бірі оны «Қайрат» — «Реал Мадрид» матчын көруге келді десе, енді бірі жеке сапар деп ойлаған. Енді әлемге әйгілі киножұлдыз Қазақстанда жаңа жобасын бастағалы жатқаны белгілі болды. Айта кетейік, Джеки Чан болашақ фильмге арналған түсірілім орындарын да таңдап қойған.

«Біз бірлескен ірі жобаны жүзеге асыруға кірістік. Алматыда болған уақытында актер біздің командамызбен бірге алдағы картинаның түсірілім алаңдарын таңдады. Фильмнің негізгі бөлігі Қазақстанда түсірілетін болады»,  деп хабарлады Salem Entertainment компаниясы.

Әзірге ресми ақпарат құпия сақталып отыр. Алайда сахна сыртында Джеки Чанның жабық өткен кешке қатысқаны белгілі болды. Кәсіпкер Таир Марасулов онымен төрт сағат бірге уақыт өткізгенін айтып, алған әсерімен бөлісті:

«Бұл кездесу мен үшін жай ғана жұлдызбен емес, аңызға айналған тұлғамен жүздесу болды. Миллиардтаған адамның кумирі саналатын Джеки Чанның 70 жастағы қайраты мен энергиясы таңғалдырады», – деді кәсіпкер.

Айта кетейік, Qarakesek лақап атымен танымал Омар Амантаев мас болып автокөлік жүргізгені үшін 15 тәулікке қамауға алынып, 7 жылға көлік жүргізу құқығынан айырылды.