Димаш Құдайберген мен Самал Еслямова ТҮРКСОЙ марапатына ие болды

cover Фото: Мәдениет және ақпарат министрлігі

Димаш Құдайберген мен Самал Есләмова ТҮРКСОЙ халықаралық ұйымының арнайы марапаттарын иеленді, деп хабарлайды Orda.kz.

Мәдениет және ақпарат министрлігінің мәліметінше, Қазақстанның халық әртісі Димаш Құдайберген түркі әлемі мәдениетін дамытуға қосқан елеулі үлесі үшін ТҮРКСОЙ ұйымының ең жоғары наградасы саналатын «Түркі әлемінің мәдени елшісі» атаулы орденімен марапатталған. Ал Қазақстанның еңбек сіңірген қайраткері, актриса Самал Еслямоваға түркі және әлемдік кино өнерінің дамуына қосқан айрықша үлесі үшін «Түркі әлемінің үздік әртісі» номинациясы бойынша ТҮРКСОЙ-дың арнайы жүлдесі табысталған. 

ТҮРКСОЙ ұйымының бас хатшысы Сұлтан Раев марапат маңызына тоқталды. 

«Бүгін біз өнер арқылы түркі әлемін шынайы біріктіріп жүрген тұлғаларды құрметтеп отырмыз. Димаш Құдайберген музыка арқылы мәдени елші миссиясын атқарып келеді. Ал Самал Еслямова қазақстандық кино өнерінің символына айналды. Бұл марапаттар – олардың еңбегіне берілген лайықты құрмет», – деді ТҮРКСОЙ бас хатшысы. 

Айта кетейік, Димаш бұл марапатқа ие болған екінші тұлға. Бұған дейін мұндай атақ Түркияның Нобель сыйлығының лауреаты, профессор Әзіз Санджарға берілген болатын.

Оқи отырыңыз:

Жаңалықтар

барлық жаңалықтар