ДДСҰ: Әлемде COVID-19 ауруы 28 күнде 52 пайызға өсті

ДДСҰ мәліметінше әлем бойынша  COVID-19 ауруы 28 күнде 52 пайызға өсті. Оңтүстік-Шығыс Азияда төрт аптада жаңа ковид ауруларының саны 388 пайызға өсті.

Дүниежүзілік денсаулық сақтау ұйымы 20 қараша мен 17 желтоқсан аралығында әлемде коронавирустық инфекцияны жұқтыру көрсеткіші алдыңғы төрт аптамен салыстырғанда 52%-ға өсті, деп хабарлады.

Дүниежүзілік денсаулық сақтау ұйымының мәліметі бойынша, ең көп ауру Ресейде анықталды – 279 359 жеткен. Сонымен бірге әлем бойынша өлім-жітім орта есеппен 8%-ға төмендеді. Дүниежүзілік денсаулық сақтау ұйымының мәліметі бойынша төрт аптада әлемде 854 673 жағдай тіркеліп, 3005 адам қайтыс болды.

ДДСҰ деректері аймақтардағы аурушаңдық пен өлім-жітімнің әркелкі екенін көрсетеді. Оңтүстік-Шығыс Азияда төрт апта ішінде жаңа ковид ауруының саны 388%-ға, ал өлім-жітім үш еседен астамға артты.

Африкада ауру 77% көбейіп, өлім жағдайлары  50% азайған. Еуропада аурушаңдық 54%, өлім 14% өсті. Бұл ретте Америка аймағында аурушаңдық 23%-ға, ал өлім-жітім 48%-ға төмендеді.

Шығыс Жерорта теңізінде 51% аз адам ауырып, өлім саны 65% азайды. 

Ресей Федерациясынан басқа, коронавирустың жаңа жағдайлары ең көп тіркелген бес елдің қатарына Сингапур (120 898), Италия (114 795), Польша (39 828) және Австралия (39 505) кіреді. 

Ең көп өлім Италияда тіркелген – 510. Одан кейін Швеция (396), Ресей (376), Австралия (211) және Польша (141) келеді.