Дариға Бадықова күйеуі мен Жылқышыбайдың үстінен арыз жазды

Белгілі қоғам белсендісі әрі Дариғаның заңды өкілі Айгүл Орынбек журналистердің бала асырап алу құпиясын жария еткені үшін құқық қорғау органдарына ресми арыз жолдағанын мәлімдеді, деп хабарлайды Orda.kz.

Дариға Бадықованың экс-күйеуі Дархан Мұсаев журналист Нұрсейіт Жылқышыбайға берген сұхбатында бала асырып алғандары жайлы айтқан. Айгүл Орынбектің айтуынша, бұл отбасылық құпияны бұзу – тек әдепсіздік емес, ҚР Қылмыстық кодексінің 146-бабы (Бала асырап алу құпиясын жария ету) және 147-бабы (Жеке өмірге қол сұғу) бойынша нақты қылмыстық жауапкершілікке әкелетін әрекет.

«Күйеуі мұны білмеуі мүмкін, бірақ журналистердің заңнан бейхабар болуы мүмкін емес. Мен Дариғаны көп жылдан бері жақсы танимын. Ажырасу кезеңінде қандай қиындықтардан өткенін де білемін. Сондықтан оның заңды мүддесін қорғаушы өкілі ретінде, Жылқышыбай мен Дарханның әрекетіне қатысты қылмыстық іс қозғау туралы арызды Алматы қаласының Ішкі істер департаментіне ресми түрде жолдаймын», – деді ол.

Сонымен қатар, ол бұл жағдайды жеке адамның ар-намысын қорғау мәселесімен қатар, қоғамдағы журналистік этика мен заң үстемдігіне сынақ деп бағалады.

«Барлық бұқаралық ақпарат құралдарын медиа заңнамасын қатаң сақтауға, жеке тұлғалардың жеке өміріне қол сұқпауға шақырамын. Журналист – ең алдымен қоғам алдындағы жауапкершілікті сезінетін адам. Сондықтан рейтингі үшін біреудің тағдырын талқыға салу – кәсіби абыройға көлеңке түсіреді», – деді ол

Айта кетейік, атақты әнші Тамара Асардың жолдасының бірінші некесінен туған ұлы Әлішер қайтыс болды.