БҰҰ Венесуэлаға қатысты шұғыл отырыс өткізеді

Ұйым АҚШ-тың әскери операциясын сынға алды. БҰҰ Бас хатшысы Антониу Гутерриш болған оқиғаның қауіпті жағдай қалыптастыратынын және халықаралық құқық нормаларын әлсіретуі мүмкін екенін мәлімдеді. Ол тараптарды диалогқа қайта оралуға шақырды.

Өз кезегінде БҰҰ Бас Ассамблеясының төрайымы Анналена Бербок жағдайға пікір білдіре отырып, дағдарыс кезеңінде мемлекеттер БҰҰ Жарғысына сүйенуі тиіс екенін айтты. Онда егемен мемлекеттерге қарсы күш қолдану немесе күш қолданамын деп қорқытуға жол берілмейтіні нақты көрсетілген.

Осы оқиғалар аясында БҰҰ Қауіпсіздік кеңесі шұғыл отырыс өткізуді ұйғарды. «Синьхуа» агенттігінің жазуынша, кездесу дүйсенбі, 5 қаңтар күні, Нью-Йорк уақыты бойынша сағат 10:00-де өтеді.

Венесуэладағы жағдайдың барлық егжей-тегжейі туралы:

АҚШ соққы берді: Венесуэла астанасында әуе шабуылына қарсы қорғаныс жүйесі қосылды

Мадуро Бруклиндегі қатаң режимдегі тергеу изоляторына жеткізілді

Елде бір ғана президент бар — Венесуэла Мадуро тұтқындалғаннан кейін АҚШ-қа жауап қатты

Трамп журналистер алдында мәлімдеме жасады: «Мадуроның билігі аяқталды, ол енді президент емес»