Астанада қазақы тазы тұқымды иттерді тануға арналған халықаралық көрме өтті

Комиссия осы тұқымның 100-ге жуық өкілін сараптамадан өткізіп, оның қорытындысы бойынша «Қазақ тазысын» тану және еліміз үшін «Kazakh Tazy» брендін қамтамасыз ету туралы өз қорытындысын шығарады, деп хабарлайды Orda.kz 

Бұл көрме тек байқау немесе иттердің сұлулығын көрсету үшін емес. Бұл – қазақ халқы үшін тарихи маңызы бар оқиға. Еліміздің ұлттық мақтанышы мен мәдени мұрасының белгісі – қазақтың тазы тұқымын ұлттық байлық және бренд ретінде біріктіру және халықаралық деңгейде тануға мүмкіндік», - 

Қазақ ит тұқымдарын халықаралық деңгейде тану үшін ФКИ міндетті талаптарының бірі иттерге сараптама жүргізу, олардың шыққан еліндегі тұқымның жай-күйі мен даму перспективаларын зерттеу.

«Біз бұл жұмысты 5-6 жыл бұрын бастадық. Содан Тазыны жеке тұқым ретінде тіркегіміз келді, дүниежүзіндегі барлық ит тұқымдарының есебін жүргізіп, тізілімін жүргізетін Дүниежүзілік кинология қауымдастығы бірнеше шарт қойды. Осы 5-6 жылдың ішінде біз шарттарды орындадық. Бүгінде тазы иттері әлемде жеке тұқымға айналғанын ресми түрде мәлімдейміз. Тазы – Қазақтың жеті қазынасының бірі», – дейді «Номад» ұлттық аңшылық клубы қоғамдық қорының мүшесі Абзал Досыман.