«Арасында полицей бар»: Бір топ браконьер ұсталды

2024 жылғы 22 қазанда Түркістан облысы аумағында Жамбыл және Алматы облыстарының төрт тұрғыны, оның ішінде Жаңатас қаласында учаскелік инспектор болып жұмыс істейтін полиция қызметкерін ұсталды, деп хабарлайды Orda.kz. 

Алдын ала мәлімет бойынша, тіркеу нөмірлері жоқ «Тойота Лэнд Крузер» маркалы автокөлік көзге түскен. Тексеріс барысында көліктен 16 киік ұшасы, 13 киік бас бөлігі мен мүйіздері, 12-ші калибрлі 2 тегіс ұңғылы қару (бірінде идентификациялық нөмірдің жойылу белгілері бар), 59 патрон және 4 прожектор (фар) табылды.

Материалдар әрі қарай тергеу үшін құқық қорғау органдарына тапсырылған.