«Апатқа байланысты»: Ақтаудың бас шыршасы жағылмайтын болды

Ақтауда бас шыршаны жағу рәсімі өтпейтін болды, деп хабарлайды Orda.kz. 

Ақтау маңында болған ұшақ апатына байланысты мерекелік іс-шара өтпейді. Салтанатты рәсім 25 желтоқсанға жоспарланған еді. 

Айта кетейік, Бакудегі Гейдар Әлиев халықаралық әуежайының қызметкерлері  ғимаратта орнатылған шыршаны бұзып тастады. 

Соңғы мәліметтер бойынша, әуе апатынан аман қалғандар саны арта түсті. Олардың саны 32-ге жетті.  Тірі қалғандар қатарында 14 әзірбайжандық, 10 Ресей және 2 Қырғыз азаматы бар.