Алматыда жылыту маусымы қашан аяқталады?

Алматыда алдағы күндері ауа райы жылиды. Осыған байланысты мегаполисте жылу қашан өшірілетіні туралы әкімдік түсініктеме берді, деп хабарлайды Orda.kz. 

Әкімдіктегілердің ресми жауабы бойынша, барлығы алдағы күндердегі ауа-райына байланысты.

«Алматыда жылу беру маусымы әкімдіктің қаулысы бойынша бес күн қатарынан ауаның орташа тәуліктік температурасы +8-ден асқан жағдайда өшіріледі. Сонымен қатар сыртқы ауаның орташа тәуліктік температурасы да ескеріледі», деп жауап берді әкімдіктегілер. 

Яғни, Алматыда жылудың қашан өшірілетіні белгісіз. Алайда 2024 жылы жылыту жүйесі 15 сәуірден бастап кезең-кезеңмен өшіріле бастаған.

«Қазгидромет» 18 наурызда Алматыда ауа райы + 17-19 градус, ал 19 наурызда – + 20-22 градус жылы болатынын болжады.