Алматыда жол-көлік оқиғасына ұшыраған көлік ағаш пен жарық бағанасының арасына қыстырылып қалды

30 жастағы жүргізуші қыз ауруханаға жатқызылды, деп хабарлайды Orda.kz  Kris.p.live Instagram парақшасына сілтеме жасап.   

Алматыда Майлин көшесіндегі жол-көлік оқиғасынан кейін жеңіл көлік ағаш пен жарық бағанасының арасына ілініп қалғаны түсірілген оқиғаның бейнесі әлеуметтік желілерде тарап жатыр.

«1 тамызда сағат 19.40-та Түрксіб ауданында Daimler Chrysler автокөлігінің жүргізушісі Майлин көшесімен солтүстік бағытта жүріп келе жатып, рөлін басқара алмай, ағашты, сондай-ақ көшені жарықтандыру бағанын қағып кетті. Жол-көлік оқиғасы салдарынан жүргізуші - 30 жастағы қыз зардап шекті, ол жақын маңдағы медициналық мекемеге жеткізілді», деп хабарлады қалалық ІІД.

Апат фактісін тергеуге Түрксіб аудандық полиция басқармасының қызметкерлері кірісті.