Алматыда жаңа жасыл демалыс аймағы салынады: Дархан Сатыбалды құрылысты аралады

Бостандық ауданында Жароков және Си Синхай көшелерінің қиылысында жасыл алаңның құрылысы жүріп жатыр, деп хабарлайды Orda.kz.

4,1 гектар аумақтағы нысан қала тұрғындары үшін жаңа жасыл демалыс аймағына айналады. Қазір онда жаяу жүргіншілер жолдары салынып, балалар алаңдары мен шағын мүсіндер орнатылуда.
Саябақта 120-дан астам ағаш отырғызылады.

Алматы әкімі құрылысты аралап, жобаны үш айда аяқтауды тапсырды.

Бұған дейін Дархан Сатыбалды Бостандық, Наурызбай және Әуезов аудандарындағы бірнеше су нысандарында болып, өзен арналарын қалпына келтіру жұмыстары қалай жүргізіліп жатқанын тексерген болатын.

Маусым айының басында Алматының жаңа әкімі Дархан Сатыбалды Алматы халқы айта-айта жалыққан бордюрлар мен асфальт  тозбай жатып ауыстырылатынын өз көзімен көріп, наразы болды.

Жұмысына кызу кіріскен Дархан Сатыбалды мектеп құрылысына қатысты жағдай бойынша Bazis-A компаниясының әрекетін сынға алды.

Жақында Алматының таулы аймағында мореналық көлдердің және селден қорғау инфрақұрылымының жай-күйіне бақылау күшейтілді. Қала әкімі Дархан Сатыбалды ықтимал төтенше жағдайлар тәуекелдері мен дайындық деңгейін бағалау үшін тікұшақпен маңызды учаскелерді аралап шықты. 

Жаман иісті жоғалтып, мердігерлерді жазалау керек, деп ескерту берген Сатыбалды Алматының тағы бір ауданын аралап көріп, тағы да көңілі толмады.