Алматыда заңсыз салынған ғимарат бұзылды

Алматыда Черновицка көшесінде заңсыз салынған 3 қабатты пәтер бұзылды, деп хабарлайды Orda.kz.

Қала құрылысын бақылау басқармасы ғимараттың қажетті рұқсаттарсыз салынғанын және  эскиздік жобаны келісу және сараптама болмағанын хабарлады.

Бұзу жергілікті тұрғындардың өтініші бойынша жоспардан тыс тексеру нәтижесінде болды. Басқарманың талап - арызы бойынша Жетісу аудандық соты нысанды бөлшектеу туралы шешім шығарды. Меншік иесі сот орындаушыларының қатысуымен ғимаратты өз еркімен бұза бастады.

2023 жылдың басынан бері Алматыда 63 заңсыз нысан, соның ішінде белгілі «Мечта» және KHAN тұрғын үй кешендері бұзылды. Бұл-әкім Ерболат Досаевтың құрылысты бақылауды күшейту жөніндегі бастамасымен қолға алынған жұмыстардың бір бөлігі.