Алматыда мопед жүргізушісін қағып қашып кеткен адам екі тәуліктен бері табылмады

Алматыда мопед жүргізушісін қағып, оқиға орнынан бой тасалаған автокөлік жүргізушісі әлі табылмады. Жол апаты 28 қаңтар күні кешкі уақытта Бостандық ауданында болған, деп хабарлайды Orda.kz. 

Полиция басқармасының мәліметінше, белгісіз көлік Сайын көшесімен шығыс бағытта қозғалып, Мұстафин көшесінің қиылысында мопедпен соқтығысқан. Оқиғадан кейін жүргізуші қашып кеткен.

Полицияның хабарлауынша, мопед жүргізушісінің жағдайы қанағаттанарлық. Алайда, бүгінгі күнге дейін автокөлік жүргізушісінің жеке басы анықталмаған.

Құқық қорғау органдары жүргізушіні анықтау және полицияға жеткізу бойынша жедел-іздестіру шараларын жалғастырып жатыр. Аталған дерек бойынша материалдар Бостандық аудандық полиция басқармасының өндірісінде екен.

Айта кетейік, «Богатырь Көмір» компаниясының қызметкері көз жұмды.