Алматы облысындағы “Нарынқол” шекара заставасында әскери қызметші мен баласы қаза тапты

Алматы облысындағы “Нарынқол” шекара заставасы аумағында болған өрт салдарынан әскери қызметші мен оның баласы көз жұмды, деп хабарлайды Orda.kz Қазақстан Республикасы Ұлттық қауіпсіздік комитетінің Шекара қызметі баспасөз қызметіне сілтеме жасап.

«2025 жылдың 6 желтоқсанында Алматы облысындағы “Нарынқол” шекара заставасының аумағында қызметтік үйде өрт шықты. Өрт ТЖД күштерімен сөндірілді. Төтенше жағдайдың салдарынан әскери қызметші мен оның баласы қаза болды. Аталған факт бойынша сотқа дейінгі тергеп-тексеру басталды», деп жазылған хабарламада.

Шекара қызметі қаза тапқандардың туған-туыстары мен жақындарына терең қайғысына ортақтасып, көңіл айтады. Оларға қажетті барлық көмек көрсетілуде.