Алматы маңында жер сілкінді

Алматыдан оңтүстікте 35 шақырым жерде жер сілкінісі тіркелді, деп хабарлайды Orda.kz. 

Жер асты дүмпуі бүгін, 8 тамыз күні сағат 9:03-те (Астана уақытымен) тіркелді. Магнитудасы 3,1 болатын жер сілкінісі туралы Қырғыз Республикасының Ұлттық ғылым академиясы жанындағы Сейсмология институты мәлімдеді.

Жерасты дүмпуінің ошағы Қырғызстан аумағында, Алматы қаласынан 35 шақырым оңтүстікте орналасқан.

Айта кетейік, 30 шілдеде Ресейдің Камчатка түбегі жағалауында магнитудасы 8,8 балл жер сілкінісі болды. Жер сілкінісі салдарынан Ключевская Сопка және Крашенников жанартаулары атқылай бастады. Сонымен қатар, жойқын жер сілкінісінен кейін түбектің екі метрге қозғалғаны анықталды.