Алматы әуежайында өзіне өрт қойған ер адамға қатысты тергеу тоқтатылды

Көліктегі полиция департаменті Алматы әуежайында ер адамның өзін-өзі өртеу әрекеті туралы істі тоқтатты, деп хабарлайды Orda.kz .

Қылмыстық іс қылмыстық кодекстің 105 — бабы («Өзін-өзі өлтіруге дейін жеткізу») бойынша жүргізілді. Денесін күйік шалған ер адам медициналық мекемеден шыққаннан кейін, ешкімге шағымы жоқ екенін мәлімдеді. 

Көліктегі полиция департаментінің хабарлауынша, барлық қажетті тергеу шаралары аяқталды. Нәтижесінде қылмыс құрамының болмауына байланысты істі тоқтату туралы шешім қабылданды.

Айта кетейік, оқыс оқиға 25 тамыз күні сағат 22:06-да  Алматы халықаралық әуежайының T1 терминалында болған еді. Ер адам өз-өзін өртеп, қатты күйіп қалды. Сол арада өртті полиция мен қауіпсіздік қызметінің қызметкерлері жылдам сөндіріп, зардап шеккен адамды дәрігерлерге тапсырған болатын.