Ақыры Путин мен Трамптың жақын арада кездесетіні ресми расталды

Ресей президентінің көмекшісі Юрий Ушаков Владимир Путин мен Дональд Трамптың алдағы күндері екіжақты жоғары деңгейдегі кездесу өткізетінін растады,деп хабарлайды Orda.kz.

Бұған дейін халықаралық ақпарат құралдары екі ел басшылары келесі аптада жүздесуі мүмкін екенін хабарлаған болатын. Ал кездесуді АҚШ тарапы ұсынған еді.

Еске сала кетейік, 6 тамыз күні Мәскеуде АҚШ президентінің арнайы өкілі Стив Уиткофф пен Владимир Путин арасында үш сағатқа созылған келіссөз өткен. Осыдан кейін Путин мен Трамптың кездесуі туралы ақпарат тарай бастады.

ТАСС мәліметінше, Путин мен Трамптың кездесуі өтетін орын келісілді. Бірақ ол туралы ресми ақпарат кейінірек жарияланады. Келесі апта Путин мен Трамптың кездесуіне алдын ала жоспарланған уақыт ретінде белгіленді, алайда дайындық жұмыстары қанша күнге созылатыны әзірге белгісіз. Уиткофф Путин, Трамп және Зеленский арасындағы үш жақты кездесу идеясын көтерді. Бірақ әзірге Мәскеу бұл ұсынысқа түсініктеме бермеді.