Ақылы жол тарифтерінің есептері ашық көрсетіледі

Көлік министрі Марат Қарабаев жақын арада Қазақстандағы ақылы жолдар тарифтерінің есебін көрсетуге уәде берді, деп хабарлайды Orda.kz.

«Тарифтің көтерілуіне келер болсақ, біз жақын арада ашық түрде шығарып бәрін айтамыз, көрсетеміз. Біздің қоғамда жиі туындайтын бірінші сұрақ – ақша қайда кетеді? Біз стандарттарға сәйкес көрсетеміз: стандарт дегеніміз не, қанша материал сатып алу керек, қанша техника, әр жолдан қанша алдық. Еліміздегі учаскелердің басым көпшілігі қазір өзін-өзі ақтамайды. Оларға қанша ақша жұмсау керектігін көрсетеміз. Тіпті Астана-Бурабай учаскесі де өзін-өзі ақтамайды. Біз мұны тарифті көтеру мәселесін талқыламас бұрын ашық көрсетіп аламыз»,  деді Қарабаев жұма күні ҚазТАГ тілшісіне берген сұхбатында.

Министрдің айтуынша, тарифтерді жекелеген жол учаскелерінің қажеттіліктеріне қарай сараландыру жоспарлануда.

«Бурабайға дейін шақырымы -  Т1.3 теңге. 200-250 шақырым жүрсе T300-350 төленеді, бұл кейде жақсы емес шығар. Сондықтан тарифтердің дифференциациясы күшейеді. (...) Кей жер арзанырақ болады, кей учаске қымбатырақ болады. Жақын арада осындай механизм ұсынып, талқылайтын боламыз»,  деді министрлік басшысы.