Ақтөбеде мектеп оқушысы суицид жасады

Ақтөбе облысы Мәртөк ауданында 15 жастағы оқушы қыз өзіне қол жұмсады. Марқұмның денесін туыстары ауладан тапты, деп хабарлайды Orda.kz.

Ақтөбе облысы Мәртөк ауданында оқушы қыздың өліміне қатысты полиция іс қозғады. Тергеу амалдары жүріп жатыр.

Қайғылы оқиға 29 сәуір күні күндіз марқұмның үйінде болды. Оқушы осы оқиғаның алдында сабаққа барып келген. Сол күні оғаш мінез-құлық танытпағаны айтылады. Ресми мәліметке сүйенсек, өлім алдында хат жазып қалдырмаған. 

«2025 жылғы 29 сәуірде Мәртөк ауданының 9- сынып оқушысы өз-өзіне қол жұмсап қайтыс болды. Жасөспірім ата-әжесімен және анасымен тұрған.   Бала ол күні сабаққа барған, мінез-құлқында оғаш әрекет байқалмаған», — деп хабарлайды Ақтөбе облыстық білім басқармасы.

Қазіргі таңда құзырлы органдар оқиғаның себебін анықтап жатыр. Оқушы толыққанды отбасында өскен. Ата-анасы, ата-әжесімен бірге тұрады. Марқұмның денесін атасы тапқан.

Еске сала кетейік, 2021 жылы Ақтөбе қаласында 1-сынып оқушысын 9-сынып оқушылары соққыға жығып, зорлаған. Алайда 6 жасар бейкүнә бүлдіршінге осындай қиянат жасаған томардай жасөспірімдер әлі де бостандықта жүргені жайлы жазған едік.

Автор: Ардақ Ерубаева