Ақтөбе облысында жол апатынан мерт болғандар арасында 3 жасар бала бар

Самара-Шымкент автожолы бойындағы жантүршігерлік жол апатына қатысты тың деректер шықты. Қаза болған 12 адамның екеуі бала. Тағы бір жасөспірім жансақтау бөлімінде жатыр.
Orda.kz тілшісі мән-жайды анықтады.
Қайғылы оқиға Ақтөбе облысында 23 қазан күні таңғы сағат 08:40-та болды. Жол апатынан мерт болған 3 және 9 жастағы балалар әкелерімен бірге жолға шыққан. Қайтыс болған бір баланың әкесі ауруханада жатқаны айтылды.

Мерт болғандардың арасында анасы мен студент ұлы бар. Әйтеке би ауданы әкімдігінің хабарлауынша, 16 орындық жаңа ГАЗель Жүргенов ауылынан таңғы сағат 07:00-де шыққан. Тасымалдаушы жеке кәсіпкер, маусым айынан бастап ресми түрде келісім-шартпен облыс орталығы мен ауыл арасына қатынап жүрген.

Ал жол апатынан зардап шеккен 6 науқас Хромтау аудандық ауруханасында жатыр. Олардың бірі – 2009 жылы туған бала.
«Облыс орталығынан келген ересектер мен балаларға арналған екі дәрігерлік бригада жұмыс істеуде. Құрамында реаниматологтар, травматологтар, хирургтер және нейрохирургтер бар. Пациенттерге шұғыл көмек көрсетілді. Дәрі-дәрмек пен қан компоненттері толық көлемде бар», — деп хабарлайды денсаулық сақтау басқармасы.
Оқиға орнына Ақтөбе облысының әкімі Асхат Шахаров барды. Әкімдіктің хабарлауынша, қаза болған 10 жолаушының отбасына 1 млн теңгеден көмек көрсетіледі.
«Оқиға орнына өзім келіп, қарап шықтым. Жанымызға бататын ауыр қаза. Тума-туыс, жақындарға көңіл айтамыз. Біз үшін өте ауыр қаза болды. Таңғы сағат 08:00-ден өте осындай оқиға болғаннан кейін барлық тиісті мемлекеттік органдар өз жұмысын атқарып келеді. Біздің тарапымыздан жан-жақты көмек ұйымдастырылды. Барлық жағдай өз бақылауымда болады», — деді Шахаров.
Айта кетейік, жантүршігерлік оқиға 23 қазан күні Самара – Шымкент автожолының бойында болды. Ақтөбе облысы Белқопа ауылының маңында DAF жүк көлігі мен «Газель» маркалы жолаушылар көлігі соқтығысып 12 адам мерт болды.
Автор: Ардақ Ерубаева
Жаңалықтар
- Депутаттар қалашығы: Астанада сегіз миллиард теңгеге сатылып жатқан сарайдың иесі кім?
- Ақтөбе облысында жол апатынан мерт болғандар арасында 3 жасар бала бар
- Сенат ЖИ туралы заңды мәжіліске қайтарды
- Күзетшіні жамбасқа лақтырған дзюдошы қыз әлемнің вице-аруы атанды
- Қазақстандағы ВТБ банкіне Еуроодақ санкция салды
- «Таң қашан атады?»: Алматыда дәрігерлердің салғырттығынан 2 жасар қыз қайтыс болды
- Батыс Қазақстанда украинша жазуы бар дрон сынықтары табылды
- «Ит құрлы көрмейді»: Думан Мұхамедкәрім мен Әйгерім Тілеужанның жағдайы нашарлады
- «Бір адам қаза тапты»: Талғарда қызметтік көлікпен аң аулауға шыққан әкім жол апатына ұшырады
- «Зілзала тіркелді»: Алматы тұрғындары жер сілкінісі туралы ескерту алды
- Ақтөбе облысында жол апатынан 12 адам қаза тапты
- Талғат Шаяхметов ІІМ Өзіндік қауіпсіздік департаментінің басшысы болды
- Биліктегілерге «сыйақы»: Ақтөбеде 6 млрд жымқырған мұнай компаниясының 5 қызметкері сотталды
- «БҚО-да оқушы өз-өзіне қол жұмсады»: мектеп директоры мен психологқа қатысты тергеу басталды
- Трамп Путинмен Будапеште кездеспейтін болды
- Облыс әкімінің бұрынғы орынбасарының ұлы мемлекеттік кірістер департаментіне қызметке орналасты
- Оқу-ағарту министрі өзіне айтылған сынға жауап берді
- «Күйеуі Кореяға жұмысқа кеткен»: 34 жастағы әйел 5 баласымен тірідей жанып кетті
- «Тоқаев мырза! Бейбіт тұрғындар қаза тапты»: Ауғанстан қазақтары Солтүстікке көшуді сұрады
- Қоспаевтың содырлары сотта Әбдіғаппарованы 9 пәтерді алды деп айыптады