АҚШ Ауғанстанды заңсыз қамауларды қолдайтын мемлекет деп таныды

АҚШ мемлекеттік хатшысы Рубио Ауғанстанға «заңсыз қамауларды қолдайтын мемлекет» мәртебесі берілгенін мәлімдеді, деп хабарлайды Orda.kz.      

«Бүгін мен Ауғанстанды заңсыз қамауларды қолдайтын мемлекет ретінде танығанымызды жариялаймын. Талибан адамдарды ақша талап ету немесе саяси жеңілдіктер алу мақсатында ұрлап, террористік әдістерді қолдануды жалғастырып келеді. Бұл жиіркенішті әрекеттер тоқтатылуы тиіс» деп жазылған Рубионың мәлімдемесінде. 

Сонымен қатар, ол америкалықтарға Ауғанстанға бару қауіпті екенін айтты. Оның сөзінше, ел билігі «біздің отандастарымызды және басқа да шетел азаматтарын әділетсіз түрде қамауда ұстауды жалғастырып отыр».

Рубио сондай-ақ талибтерді бұрын ұсталған америкалық азаматтарды босатуға шақырды.

Оқи отырыңыз:

• Демалыс күндері Таяу Шығыста не болды: Ирандағы соғыс, мұнай бағасының шарықтауы
• АҚШ қоғамы Трамптың кенже ұлы Бэрронды Ирандағы соғысқа жіберуді талап етіп жатыр