Әкесінің көлігін рұқсатсыз айдаған 16 жастағы бала қайтыс болды

Ақтөбеде 16 жастағы оқушы әкесінің автокөлігін рұқсатсыз айдап, рөлді басқара алмай, тіл қатпастан оқиға орнында қайтыс болды, деп хабарлайды Orda.kz.

Диапазон басылымының мәліметінше, оқиға 2 қыркүйекте тұрғын үй қасында Әлихан Ермеков көшесінде болды. 

«Бұл оқиға 2 қыркүйекте шамамен 22:20-де «Бауырластар» тұрғын үйінің қасында Әлихан Ермеков көшесінде болды. Ақтөбе облысы полиция департаментінің мәліметінше, 16 жастағы мектеп оқушысы әкесінің меншігіндегі Mitsubishi Carisma автокөлігін рұқсатсыз алып, көлікпен бірге аударылып, алған жарақатынан қайтыс болды» деп жазылған хабарламада.

Еске сала кетейік, 15 шілдеде Алматының Боралдай көшесінде МАЗ маркалы кран, №10 маршруттағы автобус және бірнеше жеңіл көлік соғылып ірі жол апаты болды.