Air Astana ұшағы Ақтөбеде зақым алды

Ақтөбеде 16 тамызында Airbus A321 ұшағын сүйрету кезінде оның алдыңғы шасси тірегі зақымданды.

Бұл туралы Air Astana баспасөз қызметі хабарлады.

Актөбе-Алматы бағытындағы КС866 рейсі алдымен 17 тамызға дейін кейінге шегеріліп, кейін балама рейс ұсынылмай, толықтай тоқтатылды.

«Жолаушыларға билет ақысын айыппұлсыз қайтару ұсынылды. Ұшақ жөндеу жұмыстарын жүргізу үшін Астанаға жеткізілетін болады, бірақ әуежайдың түнгі уақытта жабылуына байланысты авиакомпания бұл рейсті 19 тамызға шегеруге мәжбүр» деп хабарлады баспасөз қызметі.

Актөбедегі ұшақ оқиғасы басқа да он шақты рейстің кешігуіне себеп болды.

Бұл Air Astana ұшақтарының Қазақстан әуежайларында зақымдануының соңғы бір айдағы төртінші жағдайы. Алғашқы екі оқиға елорда әуежайында, ал үшіншісі Алматыда болған.