«Әділдік үшін күрес»: Анасы өзін қорғап, ұлын құтқарғаны үшін сегіз жылға сотталды

Зарина Шерубаева аутизммен ауыратын тоғыз жасар ұлын қорғағаны үшін сотталды. Ол абайсызда күйеуін жарақаттап алғанын айтады. Адвокат жазаны жеңілдету туралы апелляциялық шағым түсірді деп хабарлайды Orda.kz.

Заринаның айтуынша, күйеуі оны және баласын үнемі тұрмыстық зорлық-зомбылыққа ұшыратқан. Сол сұрапыл күні ер адам мас күйінде өгей баласын ұрып жіберген. Әйел ұлын қорғамақ болып, құқық бұзушыны қорқыту үшін асхана пышағын қолына алған.

Кездейсоқ соққы салдарынан ер адам жарақат алып, соңы өліммен аяқталды. Алматы қаласы Жетісу ауданының №2 аудандық сотының шешімімен ол сегіз жылға бас бостандығынан айырылды.