Абай облысында үш жалған полиция қызметкері ұсталды

Жалған полицейлер Абай облысы тұрғынының есепшотынан миллионға жуық ақша шығарып алған.

Жарма ауданының тұрғынын өздерін полиция қызметкерімін деп таныстырған белгісіз біреулер көшеде тоқтатқан. Олар одан жеке куәлігін сұрады. Жастар жәбірленушінің құжаттары мен биометриялық деректерін суретке түсіргеннен кейін кетіп қалды.

«Олар ер адамды алдап, алаяқтық жолмен оның жеке деректерін иемденіп, содан кейін оның шотындағы 925 мың теңгені алып алған.Оның шотынан ақша есептен шығарылған кезде ер адам жалған полиция қызметкерлеріне тап болғанын түсініп, полицияға хабарласқан» делінген хабарламада.

Жедел қызметкерлер күдіктілерді анықтап, ұстады. Солтүстік Қазақстан облысының үш тұрғыны жалған полицей болып шықты. Олар қазір қамауда отыр. Қазір тергеу амалдары жүргізілуде. Олардың осыған ұқсас қылмыстарға қатыстылығы анықталуда.