7-11 маусымға кино шолу: Большая маленькая жизнь, Зомбэты, Сократы

Бәріміз білетіндей пандемия салдарынан көптеген салалар шығынға батты, оның бірі – отандық киноиндустрия. 2020 жылдың наурызынан бастап көрермендер назарына ұсынылған фильмдердің саны едәуір азайды.

Orda.kz редакциясы жағдайдың қиындығына қарамастан өз оқырманына апталық кино шолу ұсынады.

Кино шолу отандық 3 үздік туындыны қамтиды:

ЗОМБЭТЫ

ЗОМБЭТЫ – 2020 жылы 7 қарашада YouTube платформасы арқылы көрерменге жол тартқан хикаяның бүгінде 2 маусымы басталды.  Ол өзінің 1 млн-ға жуық тұрақты аудиториясын жинаған. Хикаяның жаңа бөлімдері апта сайын шығады. Сәрсенбінің сәтті күні 2 маусымның 1 бөлімі жарияланған. Әр бөлімнің хронометражы шамамен 20 минут. Жанры – комедия.

Сипаттамасы: Оқиға 2021 жылы өрбіді. Ғалымдар адамдарды қанға құмар нағыз зомбиге айналдыратын жаңа вирус тапты. Алайда, вирустан аман қалғандар көп емес.

Достыққа адал батыл жігіттер көрермендерге постокалиптикалық әлемде қалай тірі қалуды үйретеді. Сондай-ақ, арасында үзіліс жасап тұру керектігін де ұмытпайды.

2-маусым. Бірінші маусымдағы оқиғаның аяқталғанына бір жыл өтті. Кейіпкерлер өзгерді ме?

Басты кейіпкерлер жаңа әлемде адамдар зомбиге қарағанда әлдеқайда айлакер әрі қорқынышты екенін түсінуі керек. Ешкімге сенуге болмайды.

Бұрынғыдан да қиын жағдайлар, шытырман оқиғалар және өлім. Олар бәрінен бірге өтіп, достықтарын сақтап қала ала ма?

Бұл сериял ТМД елдері ішінде алғаш рет зомби апокалипсисті өзге қырынан көрсетеді.

БОЛЬШАЯ МАЛЕНЬКАЯ ЖИЗНЬ

БОЛЬШАЯ МАЛЕНЬКАЯ ЖИЗНЬ («Үлкенді кішілі өмір») – үлкен экранда 2021 жылы 3 маусымда жарыққа шықты. Жанры – драма, мелодрама. Хронометражы 1 сағат 20 минут.

Сипаттамасы: Аяла, шығыстың барлық әйелдері сияқты, өзінің үлкен кішкентай өмірін сәтті, өзін-өзі қамтамасыз ететін және өзіне сенімді әйелдің нәзік келбетіне жасырады. Ол кім? Іскер әйел ме? Әлде өткенмен өмір сүретін, естеліктерінде барынша батып кетпеуге тырысып жүрген нәзік, әлсіз әйел ме?

Бірақ басты сұрақ: нағыз әйел не үшін жаралған – сүйіп, бәрін есте сақтау үшін бе, әлде сүйікті болып, өткенді босату үшін бе?

СОКРАТЫ

СОКРАТЫ – деректі фильм әлі жарыққа шықпаған. Оның қазіргі таңда тек трейлері әлеуметтік желіде жүр. Жанры – деректі фильм.

Сипаттамасы: Фильмнің кейіпкерлері – жастары бір, жынысы, ұлты әр түрлі және түрлі мектептің оқушылары, оқу үлгерімі мен интеллектуалды деңгейі әр түрлі балалар.

Фильмнің мақсаты - адамзаттың өзекті және бітпейтін мәселелеріне басқа қырынан қарау.

Orda.kz редакциясы оқырмандарына көптеген фильмдердің қашан жарыққа шығатыны әлі де белгісіз болып тұрғанын еске салады. Алайда редакция сүйікті оқырмандарына апта сайын кино шолу жасап, фильм мен көрермен арасында байланыс орнатуға барынша ат салысады.

Көрілім көңіліңізден шықсын!