348 адамға несие алдыртқан: 3,7 млрд шығын келтірген алаяқ банк қызметкерлері ұсталды

Ақмола облысының прокурорлары ұйымдасқан қылмыстық топқа қатысты тергеуді аяқтады. Бұл топ әлеуметтік осал азаматтарды ұрлап, олардың атынан банктен ірі несиелер алған, деп хабарлайды Orda.kz. 

Ұйымдасқан қылмыстық топта еліміздің әртүрлі аймақтарында тұратын 25 адам болған. Олардың арасында Қаржы нарығын реттеу және дамыту агенттігінің орталық аппаратының қызметкері, сондай-ақ бірнеше банктердің қызметкерлері бар («Kaspi Bank», «Forte Bank», «Евразийский Банк», «Jusan bank»).

Қылмыс құрбандары 348 азамат болды. Мемлекетке келген шығын 3,7 миллиард теңге болды.

Тергеу барысында қылмыстық ақшаларға алынған мүліктер, Алматы қаласындағы пәтерлер мен жер учаскелері, қымбат автокөліктер және қомақты қолма-қол ақша анықталды. Алынған мүліктің жалпы құны – 2,7 миллиард теңге.

Топтың барлық мүшелері ұсталып, уақытша ұстау изоляторына қамалды. Қазіргі уақытта айыптыларға қылмыстық істің құжаттары берілді. Ендігі істің нүктесін сот қояды.