«3 жасар бала көз жұмды»: Ақтөбеде ер адам балалы келіншекті соғып кетті

Ақтөбе қаласында көлікпен абайсызда адам өлтірген азаматқа сот үкімі шықты, деп хабарлайды Orda.kz. 

Сотталушы «Қ» жол ережесін бұзып, шамамен 98,5 шақырым/сағат құрайтын рұқсат етілмейтін жылдамдықпен балалы ананы қағып кеткен. Соның салдарынан әйелдің денсаулығына ауыр зиян келген, ал 2021 жылы туған баласы қайтыс болған.

Көлікті аса қатты жылдамдықпен басқарған сотталушы 5 жылға көлік құралын басқару құқығынан, сонымен қатар 2 жыл мерзімге бас бостандығынан айырылды.