2025 жылы «7-20-25» ипотекасында қандай өзгерістер болады

ҚР Ұлттық банкі 2025 жылға арналған ипотекалық тұрғын үйді несиелендірудің «7-20-25» бағдарламасына енгізілетін өзгерістер туралы айтты, деп хабарлайды Orda.kz.

Өзгерістер Ұлттық Банк басқармасының 2024 жылғы 30 қазандағы қаулысында көрсетілген, онда:

• 2025 жылы бағдарламаны қаржыландырудың жылдық көлемін 100 млрд теңгеге дейін белгілеу;

• әскери қызметшілерге негізгі борыш және «7-20-25» бағдарламасы бойынша алынған несие  сыйақысы бойынша міндетті әскери қызмет өткеру мерзімін және ол аяқталғаннан кейін 60 күнді қоса алғандағы мерзімге кейінге шегеруді енгізу;

• 2025 жылғы 1 қаңтардан бастап пайдалы ауданы отбасының әрбір мүшесіне 15 шаршы метрден кем жатақхана бөлмелерін, сондай-ақ Қазақстан Республикасы заңнамасында белгіленген тәртіппен қауіпті деп танылған тұрғын үйді қоспағанда, Қазақстан Республикасы аумағында соңғы 18 ай ішінде тұрғын үй қарызын алушының (жұбайының) меншігінде үй болмауы тиіс деген талап енгізу; 

Бұл нормалар Ұлттық банкте атап өтілгендей, тұрғын үйге мұқтаж қазақстандықтарды барынша қамту мақсатында енгізілуде. Сондай-ақ, әскери қызметшілерге банктік қарыз шарттары бойынша негізгі қарыз және сыйақы бойынша міндетті әскери қызмет өткеруді кейінге қалдыруды көздейтін заңнамадағы өзгерістерге сәйкес.

«Бағдарлама шеңберінде берілетін ипотекалық тұрғын үй заемдарының талаптары өзгеріссіз қалды (ең төменгі бастапқы жарна, несиенің ең жоғары сомасы, сыйақы мөлшерлемесі, несие беру мерзімі, өңірлер бойынша сатып алынатын тұрғын үйдің шекті құны және т.б.)» деп мәлімдеді Ұлттық банк.

Бағдарлама 2018 жылы жұмыс істейтін азаматтарды 20% бастапқы жарнамен 25 жылға дейін жылдық 7% жеңілдікпен қолжетімді ипотекамен қамтамасыз ету мақсатында іске қосылды.

2024 жылдың 31 қазанындағы жағдай бойынша бағдарлама аясында 1 триллион теңгеден астам сомаға 76 753 жеңілдетілген несие берілген.