«2 айлық болсаң да, бас тартпаймын»: Педофил 12 жастағы қызды азғырмақ болды

Астанада 12 жастағы қызға тиіспек болған ер адам ұсталды, деп хабарлайды Orda.kz. 

Астанада «Жаңа адамдар» тобы әлеуметтік эксперимент жүргізді. Олар әлеуметтік желіде 12 жастағы қыздың атын жамылып парақша ашқан. Кәмелет жасына толмаған қыздың парақшасына бірден бірнеше жаңа таныстар тіркеле кеткен. Көбі ер адам. Олар баланың жасын назарға ілмеген. Бар-жоғы бірнеше сағат ішінде қызға азғындар белсенді түрде пасық ұсыныстарын жазған.

Өзін Нариман деп таныстырған жігіт балаға жыныстық қатынасты ашық түрде ұсынған. Қыздың абдырап, «бұл не?» деген сауалына Нариман: «Сен төсекке жатасың, қалғанын сол кезде көрсетемін», – деп жауап берген. Педофилді баланың жас мәселесі алаңдатпады. Жігіт қызға «2 айлық болсаң да сенен бас тартпаймын» деп жазған.

Азғын Астана қаласының тұрғыны 24 жастағы Нариман Боранбай болып шықты. Нариман бірнеше күн бойы өз дегенінен қайтпай, кездесу ұсынды. «Жаңа адамдар» белсенділері оған бұл «кездесуді» ұйымдастырып берді. Алайда оны көруге 12 жасар баланың орнына оншақты белсенді келді.