12 блогер өз еркімен 73,6 млн теңге салық төледі

Қазақстанда 12 блогер өз еркімен салықтарын төледі, деп хабарлайды Orda.kz. 

Бұл туралы кірістер комитеті хабарлады. Блогерлер 1,4 млрд теңге көлемінде қосымша табыстарын декларациялаған.

Қазір барлығы 854 блогерге 71,9 млрд теңге сомасында камералдық бақылау туралы хабарламалар жіберілді.

Комитет тиісті хабарламаларда көрсетілген қаражат салық қарызы еместігін атап өтті. Ақпаратқа сәйкес, бұл – блогерлердің салық декларациясында көрсетпеген болжамды табысы.

Еске салайық, бұған дейін ұлттық экономика вице-министрі Азамат Әмрин мен қаржылық мониторинг агенттігі төрағасының орынбасары Жеңіс Елемесов блогерлердің миллиондаған салық қарызына қатысты жағдайға пікір білдіргенін хабарлаған едік.