Жер салығы жойылады: Сенат жаңа салық кодексінің жобасын мәжіліске қайтарды

Сенаттың Қаржы және бюджет комитеті жаңа Салық кодексі жобасын екі оқылымнан соң мақұлдап, оның жекелеген баптарын мәжіліске қайта қарау үшін қайтарды, деп хабарлайды Orda.kz.

Шкалалар өзгереді:

• Жылдық табысы 8500 АЕК-тен (шамамен 33,4 млн теңге) асатын жеке тұлғалар үшін: – 15%;
• Дивидендтерге: 230 000 АЕК-ке дейін (шамамен 904,4 млн теңге) – 5%; бұл сомадан жоғары болса – қосымша 15%;
• Жалпы тәртіптегі жеке кәсіпкерлер үшін: 904,4 млн теңгеге дейін – 10%; бұл сомадан жоғары болса – тағы 15% қосылады.

Дәулетті адамдарға салынатын салық:

10% акциз салығы: 

• бағасы 75 млн теңгеден асатын автокөліктерге;
• құны 100 млн теңгеден жоғары ұшақтар мен яхталарға;
• Жылжымайтын мүліктің жалпы құны 450 млн теңгеден асса, әр нысан бойынша мүлік салығы — 2%.
  
  

ҚҚС:

• 12%-дан 16%-ға дейін өседі;
• Медицина, дәрі-дәрмек және әлеуметтік маңызы бар азық-түлік үшін: 2026 жылдан бастап – 5%;
  2027 жылдан бастап – 10%;
• МӘМС және ТМККК аясындағы қызметтер ҚҚС-тан бұрынғыдай босатылады;
• Электрондық шот-фактура бойынша автоматтандырылған бақылау енгізіледі, салықты қайтару рәсімі жеңілдетіледі.

ҚҚС тіркеу шегі:

20 000 АЕК-тен 10 000 АЕК-ке дейін төмендетіледі.

Арнайы салық режимдері:

Өзін-өзі жұмыспен қамтығандардың жылдық табысы 15 млн теңгеге дейін болса – 4%, жеке кәсіпкер (ЖК) ретінде тіркелу міндетті емес.

Жеңілдетілген декларация:

Табыс 600 мың АЕК-ке дейін (шамамен 2,36 млрд теңге), мөлшерлеме – 4% (2-ден 6%-ға дейін өзгеруі мүмкін).

Шаруа және фермер қожалықтары бірыңғай жер салығынан жеке табыс салығына көшеді.

Салық жеңілдіктерін реформалау:

• Жеңілдіктерді енгізу, ұзарту және жою бойынша нақты тәртіп бекітіледі.
• Мониторинг жүргізу жауапкершілігі салалық мемлекеттік органдарға жүктеледі.

Жалпыға бірдей декларациялау:

Азаматтар активтер мен міндеттемелер туралы декларация тапсырудан босатылады. Бірақ егер шетелде активі болса, не Қазақстанда және одан тыс жерде құны 20 000 АЕК-тен (шамамен 78,6 млн теңге) асатын мүлік сатып алса, декларация тапсыруға міндетті.

Басқа өзгерістер:

Бизнес тіркелген сәттен бастап «фискалдық сүйемелдеу» жүйесі енгізіледі. Негізгі басымдық – салық төлеушіні қолдау және әкімшілік кедергілерді азайту.

Салықтық тексерулер мен қызметті тоқтату мерзімдері қысқартылады.1500 АЕК-ке дейінгі (шамамен 5,9 млн теңге) салықтық қарыз үшін кепілсіз бөліп төлеу мүмкіндігі пайда болады.

Сондай-ақ, алымдар мен төлемдер қысқарады. Бірыңғай жер салығы жойылады.