Жас жұбайлар WhatsApp желісі арқылы 100-ден асам адамды алдап келген

Жамбыл облысында WhatsApp арқылы жүздеген қазақстандықты алдаған ерлі-зайыптыларға үкім шықты, деп хабарлайды Orda.kz.

Іс материалдарына сәйкес, 2024 жылдың желтоқсанынан бастап ерлі-зайыптылар алдын ала сөз байласу арқылы WhatsApp мессенджерінде ыдыс-аяқ және басқа да тұрмыстық тауарларды төмен бағамен сату туралы хабарландыру таратқан.

Алғашқы сатып алушыларға тауарлар сенім тудыру үшін уақтылы жеткізілген. Алайда, кейінгі тапсырыстар өз иелеріне жетпеген. Алаяқтықтан 112 адам зардап шекті. Материалдық шығын 51 288 146 теңге болды.  Сот барысында айыпталушылар кінәсін толық мойындап, істеген істеріне өкінетінін айтты. Сот үкімімен күйеуі 2 жыл 8 айға, жұбайы 2 жыл 4 айға бас бостандығынан айырылды.

Оқи отырыңыз:

• Жетісу облысында құтқарушы қызмет барысында қаза тапты
• Қостанай облысында интернет-алаяқтарға SIM-карталарын қосып беріп отырған тұрғын ұсталды
• Алматыда суррогат ана қытайлықтардан 7,5 млн теңгесін ала алмай жүр: Екі ортада сәби тастанды атанды