Жапонияда күшті жер сілкінісі болды: цунами қаупі төнді

cover Фото: Elements.envato.com

Жапонияның солтүстік-шығысында, Аомори өңірінде магнитудасы 6,7 балл жер сілкінісі тіркелді, деп хабарлайды Orda.kz.

Толқындар жергілікті уақытпен 11:44-де (Астана уақытымен 07:44) көтерілді. Эпицентр су астында 20 шақырым тереңдікте орналасқан. Бастапқыда магнитуда 6,5 деп хабарланған, кейін 6,7-ге көтерілген. Қазірге дейін зардап шеккендер немесе зақымданған ғимараттар туралы ақпарат жоқ.

Сейсмологтардың айтуынша, бір метрге дейінгі цунами толқыны Аомори мен Иватэ өңірінің шығыс жағалауына және Хоккайдо аралының оңтүстік жағалауына жетуі мүмкін.

Естеріңізде болса, 10 желтоқсанда да Хонсю аралында магнитудасы 6,5 жер сілкінісі болған. Мамандар тұрғындарға толқындар көтерілуі мүмкін екенін және жер сілкінісінің қаупі жоғары екенін ескертіп отыр.

Жаңалықтар

барлық жаңалықтар